Xəbərlər
Məsud Kərbəsian: İran ilə Azərbaycan arasında iqtisadi əlaqələr inkişaf edir
İran ilə Azərbaycan arasındakı iqtisadi əlaqələr yüksələn xətlə inkişaf edir və iki qonşu dövlət arasında qarşılıqlı əməkdaşlıq bundan sonra da davam etdiriləcək.
Bu sözləri İranın iqtisadiyyat və maliyyə naziri, İran-Azərbaycan dövlətlərarası müştərək iqtisadi komissiyanın yeni həmsədri Məsud Kərbəsian deyib.
Nazir qeyd edib ki, Prezident Həsən Ruhaninin xüsusi tapşırığı ilə oktyabrın 26-da Bakıya səfər edir. O deyib ki, səfər çərçivəsində azərbaycanlı həmkarı və digər rəsmi şəxslərlə görüşlər nəzərdə tutulub. Görüşlərdə qarşılıqlı iqtisadi əlaqələrin daha da genişləndirilməsi, birgə iqtisadi layihələrin həyata keçirilməsi məsələləri müzakirə ediləcək.