Xəbərlər
Yaqub Mahmudov: Azərbaycan tarixçilərinin əsas məqsədi real tariximizi dünya ictimaiyyətinə çatdırmaqdır
Oktyabrın 16-da Azərbaycan Milli Elmlər Akademiyasında “Regionda münaqişələrin gücləndiyi şəraitdə Azərbaycanın milli maraqlarının qorunmasının aktual problemləri” mövzusunda seminar təşkil olunub.
Tədbir AMEA-nın Tarix İnstitutunun və Tətbiqi Tədqiqatlar Fondunun birgə təşkilatçılığı ilə keçirilir.
Seminarda Tarix İnstitutunun direktoru, akademik Yaqub Mahmudov bildirib ki, regionda münaqişələrin gücləndiyi şəraitdə dəyərlərimizin, milli maraqlarımızın və mənafelərimizin qorunması son dərəcə önəmlidir. O deyib: "Bu gün dünya ictimaiyyətinin bəzi dairələrində bizim həqiqətləri görmək istəmirlər. Bu, alimlərimizi narahat edir. Azərbaycan tarixçilərinin əsas məqsədi real tariximizi dünya ictimaiyyətinə çatdırmaq və saxta erməni təbliğatının qarşısını almaqdır".