YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Partiya xəbərləri

YAP Qubadlı rayon təşkilatının VIII konfransı keçirilmişdir

Oktyabrın 14-də YAP Qubadlı rayon təşkilatının VIII konfransı keçirilmişdir.

Konfransda iştirak edən qonaqlar və konfrans nümayəndələrinin bir qrupu  Ulu Öndər Heydər Əliyevin  abidəsini ziyarət edərək  abidə önünə  tər çiçəklər düzməklə onun  əziz xatirəsini ehtiramla yad etdilər.

Yeni Azərbaycan Partiyası Qubadlı rayon təşkilkatının sədri  Allahverdi Haqverdiyev konfransı açıq elan etdi. Azərbaycan Respublikasının Dövlət Himni səsləndi.

Yeni Azərbaycan Partiyasının yaradıcısı Ulu Öndər Heydər Əliyevin və ötən konfransdan keçən müddətdə dünyasını dəyişmiş partiya üzvlərinin xatirəsi 1 dəqiqəlik sükutla yad edildi.

Ötən dövr ərzində görülən işlər barədə YAP Qubadlı rayon təşkilatının sədri Allahverdi Haqverdiyev məruzə ilə çıxış edərək hesabat verdi.

Nəzarət təftiş qrupunun hesabatı dinlənildikdən sonra konfrans öz işini müzakirələrlə davam etdirdi. 

Müzakirələrdə iştirak edən konfrans nümayəndələri  ötən konfransdan keçən  müddətdə görülən işlər, keçirilən tədbirlər  barədə fikir və təkliflərini səsləndirdilər, təşkilatın hesabat dövründəki fəaliyyətinə öz münasibətlərini bildirdilər.

Konfransda daha sonra təşkilati məsələlərə baxıldı.

Konfransda YAP Qubadlı rayon təşkilatının 25 nəfərdən ibarət   şurası,  15 nəfər tərkibdə idarə heyəti,  5 nəfərdən ibarət nəzarət təftiş qrupu   seçildi.

Konfransda YAP Qubadlı rayon təşkilatının sədri Allahverdi Haqverdiyev yekdilliklə yenidən rayon  təşkilatının sədri  seçildi.

Konfransda  Yeni Azərbaycan Partiyası İdarə Heyətinin üzvü, Milli Məclisin Aqrar Siyasət komitəsinin sədri Eldar İbrahimov, Qubadlı rayon İcra Hakimiyyətinin başçısı Malik İsakov çıxış etdilər.