Partiya xəbərləri
YAP Mingəçevir şəhər təşkilatının IX konfransı keçirilmişdir
Sentyabrın 28-də YAP Mingəçevir şəhər təşkilatının IX konfransı keçirilmişdir.
Konfransda iştirak edən qonaqlar və konfrans nümayəndələrinin bir qrupu Ulu Öndər Heydər Əliyevin şəhərin mərkəzi meydanında ucaldılmış əzəmətli abidəsini ziyarət etmiş, abidənin önünə tər çiçəklər düzməklə onun əziz xatirəsini ehtiramla yad etdilər.
Konfransda Yeni Azərbaycan Partiyasının yaradıcısı Ulu Öndər Heydər Əliyevin və ötən konfransdan keçən müddətdə dünyasını dəyişmiş partiya üzvlərinin xatirəsi 1 dəqiqəlik sükutla yad edildi.
VIII konfransdan ötən dövr ərzində görülən işlər barədə YAP Mingəçevir şəhər təşkilatının sədri Cavanşir Yusubov məruzə ilə çıxış edərək hesabat verdi. Sonra gündəliyə müvafiq olaraq nəzarət- təftiş qrupunun gördüyü işlər barədə hesabat konfrans iştirakçılarının diqqətinə çatdırıldı.
Məruzə ətrafında çıxış edənlər hesabat dövrü ərzində görülən işlər, keçirilən tədbirlər barədə konfrans iştirakçılarına məlumat verərək, təşkilatın səkizinci konfransdan keçən müddət ərzindəki fəaliyyətinə də öz münasibətlərini bildirdilər.
Konfransda daha sonra təşkilati məsələlərə baxıldı.
Konfransda YAP Mingəçevir şəhər təşkilatının 51 nəfərdən ibarət şurası, 7 nəfərdən ibarət nəzarət- təftiş qrupunun tərkibi seçildi.
Konfransda YAP Mingəçevir şəhər təşkilatının sədri Cavanşir Yusubov yekdilliklə yenidən şəhər təşkilatının sədri seçildi.
Konfransda Yeni Azərbaycan Partiyası İdarə Heyətinin üzvü, Milli Məclisin Aqrar Siyasət Komitəsinin sədri Eldar İbrahimov və Mingəçevir şəhər İcra Hakimiyyətinin başçısı Niyazi Bayramov çıxış edərək YAP-ın keçdiyi şərəfli inkişaf yolundan, respublikanın ictimai –siyasi həyatında oynadığı roldan, həmçinin YAP Mingəçevir şəhər təşkilatının gördüyü işlərdən və qarşıda duran vəzifələrdən bəhs etdilər.