Xəbərlər
Azərbaycan hərbçiləri “Səhra mətbəxi” müsabiqəsində iştirak üçün Moskvaya səfər ediblər
Azərbaycanın hərbi aşpazları “Beynəlxalq Ordu Oyunları-2017” yarışları çərçivəsində keçirilən “Səhra mətbəxi” müsabiqəsində iştirak üçün Moskvaya səfər edib.
Müdafiə Nazirliyinin mətbuat xidmətindən bildiriblər ki, yaxın günlərdə Azərbaycan, Belarus, Serbiya, Monqolustan, İsrail və Rusiya komandalarının heyətləri təlimat keçəcək, təhlükəsizlik tədbirləri və texniki vasitələrin istismarını öyrənəcək, qida məhsulları ilə işləmək üçün icazə verilməsi məqsədilə tibbi müayinə olunacaqlar.
İyulun 29-da hərbi aşpazlar milli mətbəx yeməklərinin hazırlanması üzrə məharətlərini nümayiş etdirəcəklər.