Partiya xəbərləri
YAP Sumqayıt şəhər təşkilatının konfransı keçirilib
İyunun 20-də YAP Sumqayıt şəhər təşkilatının VIII konfransı keçirilmişdir.
Konfransda iştirak edən qonaqlar və konfrans nümayəndələrinin bir qrupu Ulu Öndər Heydər Əliyevin abidəsini ziyarət edərək abidə önünə tər çiçəklər düzməklə onun əziz xatirəsini ehtiramla yad etdilər.
Konfransda Yeni Azərbaycan Partiyası Sumqayıt şəhər təşkilkatının sədri Asif İmaməliyev ötən dövr ərzində görülən işlər barədə məruzə ilə çıxış edərək hesabat verdi.
Sonra gündəliyə müvafiq olaraq nəzarət təftiş qrupunun gördüyü işlər barədə hesabat konfrans iştirakçılarının diqqətinə çatdırıldı.
Məruzə ətrafında çıxış edənlər təşkilatın son konfransdan keçən müddət ərzindəki fəaliyyətinə də öz münasibətlərini bildirdilər.
Konfransda təşkilati məsələlərə də baxıldı.
Konfransda YAP Sumqayıt şəhər təşkilatının yeni tərkibdə şurası, idarə heyəti və nəzarət təftiş qrupu seçildi.
Konfransda Ramiz Hüseynov YAP Sumqayıt şəhər təşkilatının sədri seçildi.
Konfransda Yeni Azərbaycan Partiyası İdarə Heyətinin üzvü, Milli Məclisin Aqrar Siyasət Komitəsinin sədri Eldar İbrahimov geniş çıxış edərək Yeni Azərbaycan Partiyasının keçdiyi şərəfli inkişaf yolundan, respublikanın ictimai-siyasi həyatında oynadığı roldan və qarşıda duran vəzifələrdən danışdı.