Xəbərlər
Sevinc Həsənova: Cəmiyyətlərin inkişafında qadınların da rolu əhəmiyyət kəsb edir
«Cəmiyyətlərin inkişafında qadınların da rolu əhəmiyyət kəsb edir». Bu fikri iqtisadiyyat nazirinin müavini Sevinc Həsənova deyib.
S.Həsənova bildirib ki, qadınların ölkənin ictimai, mədəni və iqtisadi həyatında rolunun artırılması dayanıqlı inkişafın təmin olunması baxımından xüsusi önəm daşıyır. Onun sözlərinə görə, bu məsələ müasir dövrdə aktuallıq kəsb edir.
«Ölkəmizdə qadınların ictimai-siyasi, iqtisadi, mədəni proseslərdə fəal iştirakında dövlət qadın siyasəti müstəsna əhəmiyyət kəsb edir. Bu sahədə həyata keçirilən dövlət siyasəti mühüm nailiyyətlərin əldə edilməsini şərtləndirib. Azərbaycan qadınları fəaliyyət göstərdikləri sahələrdə fədakarlıqla çalışır, dövlət quruculuğu prosesinə layiqli töhfələr verirlər. Ölkəmizdə qadınların cəmiyyət həyatının müxtəlif sahələrində iştirakı, gender bərabərliyinin inkişaf etdirilməsi üçün mühüm addımlar atılır»- deyə, nazir müavini vurğulayıb.