Xəbərlər
Pan Gi Mun: Bakı Beynəlxalq Humanitar Forumu vacib meydançaya çevrilib
Bakı Beynəlxalq Humanitar Forumu mədəniyyətlərarası dialoq, tolerantlıq və millətlər arasında anlayışın inkişafına xidmət edən geniş spektr məsələlər üzrə fikir mübadiləsi üçün vacib meydançadır. Bu barədə BMT-nin Baş katibi Pan Gi Munun Forum iştirakçılarına müraciətində deyilir.
Məktubda qeyd edilir ki, bu il forum Azərbaycan üçün xüsusi xarakter daşıyır, çünki ölkə müstəqilliyinin 25 illiyini qeyd edir: "Bu müddət ərzində Azərbaycan çox şeyə nail olub".
Müraciətdə deyilir ki, 1991-ci ildən Azərbaycanda əhəmiyyətli sosial-iqtisadi inkişaf müşahidə olunur: “Azərbaycanın inkişafı ölkəyə Avrasiyada, Avropada və Yaxın Şərqdə humanitar məsələlərə artan diqqətlə mühüm rol oynamağa yardım edir.