Xəbərlər
Kənd təsərrüfatı məhsullarının istehsalı artıb
Bu ilin yanvar-iyul aylarında kənd təsərrüfatının ümumi məhsulunun faktiki qiymətlərlə dəyəri 3 milyard 290,4 milyon manat təşkil edib ki, onun da 1 milyard 677,7 milyon manatı heyvandarlıq, 1 milyard 612,7 milyon manatı isə bitkiçilik məhsullarının payına düşüb. Bu barədə Dövlət Statistika Komitəsindən bildirilib.
Qeyd olunub ki, əvvəlki ilin müvafiq dövrü ilə müqayisədə kənd təsərrüfatı məhsulu istehsalı 2,6 faiz, o cümlədən bitkiçilik məhsulları üzrə 2,5 faiz, heyvandarlıq məhsulları üzrə 2,8 faiz artıb.