Xəbərlər
Elmar Məmmədyarov: Vyana görüşü substantiv danışıqlara başlamaq üçün yaxşı imkanlar yaradır
Xarici İşlər Nazirliyinin mətbuat xidməti nazir Elmar Məmmədyarovun Azərbaycan və Ermənistan prezidentlərinin mayın 16-da Vyanada keçirilən görüşü ilə bağlı KİV-lərə açıqlamasını yayıb.
Açıqlamada nazir deyib: “Rusiya Federasiyasının xarici işlər naziri Sergey Lavrovun qiymətləndirməsi ilə razıyam ki, mayın 16-da keçirilmiş danışıqlar münaqişənin həllinə dair bəlli olan mərhələli yanaşma əsasında substantiv danışıqlara başlamaq üçün yaxşı imkanlar yaradır. Bu danışıqlar mümkün olan ən tez bir zamanda başlamalı və regionun əhalisinin, beynəlxalq ictimaiyyətin çoxdan gözlədiyi əsaslı nəticələr hasil edilməlidir”.