Xəbərlər
Milli Məclisin plenar iclası keçirilir
Aprelin 29-da Azərbaycan Respublikası Milli Məclisinin plenar iclası keçirilir. İclası açan parlamentin sədri Oqtay Əsədov gündəliyi elan edib.
Plenar iclasda insan alverinə qarşı mübarizə üzrə Milli Koordinatorun illik məruzəsi dinləniləcək.
Sonra "Uşaq hüquqları haqqında", "Telekommunikasiya haqqında", "Kütləvi informasiya vasitələri haqqında", "Polis haqqında" , "Cinayət işlərinə dair hüquqi yardım haqqında", "Cinayət törətmiş şəxslərin verilməsi (ekstradisiya) haqqında" qanunlarda dəyişikliklər edilməsi barədə qanun layihələrinə baxılacaq.