Xəbərlər
Eldar İbrahimov: Azərbaycanda kənd təsərrüfatının daha da inkişafı üçün böyük potensial var
«Azərbaycanda kənd təsərrüfatının daha da inkişafı üçün böyük potensial var». Bu fikri yap.org.az saytına Milli Məclisin Aqrar siyasət komitəsinin sədri Eldar İbrahimov deyib.
E.İbrahimov bildirib ki, ötən il kənd təsərrüfatında 6,6 faiz artımın əldə olunması ciddi nailiyyətdir. Onun sözlərinə görə, bu sahənin potensialı daha da yüksəkdir.
«Prezident İlham Əliyev Nazirlər Kabinetinin 2015-ci ilin yekunlarına və qarşıda duran vəzifələrə həsr olunan iclasında kənd təsərrüfatının daha da inkişaf etdirilməsi ilə bağlı tövsiyə və tapşırıqlarını verdi. Əsas hədəfimiz ölkəmizin daxili imkanları hesabına ərzaq təhlükəsizliyimizi təmin etməkdir. Artıq bu yöndə ciddi işlər həyata keçirilir, dövlət aqrar sahənin inkişafına hərtərəfli dəstəyini göstərir. Şübhəsiz ki, bu sahənin inkişafına diqqət daha da artırılacaq. Azərbaycan öz məhsullarını daha geniş şəkildə xaricə ixrac edəcək. Dövlətimizin başçısı bununla bağlı müvafiq qurumlara öz tövsiyələrini verib»- deyə, komitə sədri vurğulayıb.