Xəbərlər
YAP Saatlı rayon təşkilatında bir qrup partiya veteranı ilə görüş keçirilib
Yeni Azərbaycan Partiyası (YAP) Saatlı rayon təşkilatında bir qrup partiya veteranının yubileyi münasibətilə görüş keçirilib.
YAP Saatlı rayon təşkilatının sədri Elşən Əzizov yubilyarları doğum günü münasibətilə təbrik edib, onlara möhkəm cansağlığı və işlərində uğurlar arzulayıb.
O qeyd edib ki, Saatlı rayonunda fəaliyyəti ilə seçilən partiya üzvləri Ümummilli Lider Heydər Əliyevin ideyalarının və zəngin dövlətçilik irsinin gənc nəslə aşılanması, Prezident İlham Əliyevin siyasətinin təbliği istiqamətində səmərəli fəaliyyəti ilə fərqləniblər.
Göstərilən diqqətə, qayğıya və ünvanına söylənilən xoş sözlərə görə təşəkkürünü bildirən partiya veteranları Şərqiyyə Şahpələngova, Nuhəli Kərimov, Famil Abdullayev və Nizami Məmmədov Azərbaycanı tərəqqi və Zəfər zirvəsinə yüksəldən Heydər Əliyev ideyalarına daim sadiq olduğunu diqqətə çatdırıblar.
