Xəbərlər
Ciddi niyyət, real siyasət
Rövlan Heydərov
YAP Naftalan şəhər təşkilatının sədri
Prezident İlham Əliyevin rəhbərliyi ilə yanvarın 28-də nəqliyyat məsələlərinə həsr olunmuş mühüm əhəmiyyətə malik müşavirə keçirilib. Dövlət başçısının müşavirədəki çıxışı ölkə vətəndaşlarının mövqeyini və düşüncələrini ifadə edib.
Son dövrlər Azərbaycanın dinamik iqtisadi inkişafı fonunda bütün ölkə miqyasında həyata keçirilən irimiqyaslı layihələr çərçivəsində nəqliyyat infrastrukturunun yenilənməsi xüsusilə təqdirəlayiqdir. Azərbaycan yerləşdiyi əlverişli coğrafi mövqeyin yaratdığı imkanlardan səmərəli istifadə edərək strateji nəqliyyat dəhlizlərinin ölkəmizin ərazisindən keçməsinə nail olub. Belə ki, Bakı-Tbilisi-Qars dəmir yolu bu gün Avrasiyanın nəqliyyat xəritəsində önəmli rola malikdir. Mütərəqqi islahatlar nəticəsində Şimal-Cənub, Şərq-Qərb dəhlizlərinin ölkəmizin ərazisindən keçməsi təmin edilib.
Nəqliyyat təhlükəsizliyi Azərbaycan dövlətinin önəm verdiyi məsələlərdən biridir. Eyni zamanda, ekoloji təmiz nəqliyyat vasitələrinin təşviq edilməsi, sərnişin və yük daşımalarında ekoloji təhlükəsizlik standartlarının tətbiqi ön planda olmuşdur. Nəqliyyat sektorunun inkişafı ilə paralel olaraq, qanunvericilik bazası da təkmilləşdirilmişdir.
Son 15 ildə Azərbaycan dövləti nəqliyyat məsələlərini diqqət mərkəzində saxlayaraq, bu sahədə bir sıra mühüm layihələr həyata keçirmişdir. Nəqliyyat sektorunun inkişafı ölkə iqtisadiyyatı üçün vacib rol oynayır, buna görə də həmin sahənin müasir tələblərə uyğunlaşdırılması aktual məsələlərdən biridir. Yeni layihələr beynəlxalq nəqliyyat əlaqələrini gücləndirərək Azərbaycanı əhəmiyyətli bir tranzit mərkəzə çevirmişdir. Bununla yanaşı, dəmir yolu xətlərinin və avtomobil yollarının yenidən qurulması, yeni hava limanlarının tikintisi kimi mühüm layihələr ölkəmizin inkişafına töhfə verir.
Müasir texnologiyalar və ağıllı nəqliyyat sistemləri trafik sıxlığını azaldaraq nəqliyyatın daha səmərəli işləməsini təmin edir. Ekoloji cəhətdən təmiz nəqliyyat növlərinin təşviq edilməsi şəhərlərdə hava keyfiyyətinin yaxşılaşdırılmasına kömək edir. Nəqliyyatın inkişafı, həmçinin iş yerlərinin yaradılması və regional iqtisadi əlaqələrin möhkəmləndirilməsinə şərait yaradır. Beynəlxalq nəqliyyat layihələri və ticarət marşrutlarının inkişafı ölkənin qlobal iqtisadiyyatla inteqrasiyasını artırır. Nəqliyyatın inkişafı, ümumilikdə, sosial rifahın artırılması və insanların həyat keyfiyyətinin yüksəldilməsi baxımından mühüm rol oynayır.
Nəqliyyat infrastrukturundan danışarkən, əlbəttə, ölkəmizin ərazisində mövcud olan müasir hava limanlarının imkanlarını xüsusilə qeyd etmək lazımdır. İşğaldan azad edilən Füzulidə və Zəngilanda müasir beynəlxalq hava limanları artıq istifadəyə verilib, Laçın hava limanının inşası isə davam etdirilir. Bir sözlə, bu gün bütün sahələrdə dayanıqlı inkişafa malik Azərbaycan müasir nəqliyyat infrastrukturu ilə diqqət mərkəzindədir.