Xəbərlər
Yardımlıda seçicilər bələdiyyə seçkilərinə böyük maraq göstərir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Yardımlı rayonu Ərus bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Yardımlı rayon təşkilatının məsləhətçisi Şaiq Zaidli bildirib ki, 2025-ci ilin ilk ayını böyük bir seçki kampaniyası ilə başlayırıq. O, bələdiyyə seçkilərində seçicilərin böyük rüh yüksəkliyi ilə iştirak edəcəklərinə inamını ifadə edib.
Görüşdə çıxış edən bələdiyyə üzvlüyünə namizəd, şəhid atası Vaqif Zeynalov ötən müddət ərzində ölkəmizdə özünüidarəetmə sahəsində aparılan islahatlardan və bu sahənin təkmilləşdirilməsindən danışıb.
Seçicilər YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini birmənalı şəkildə bildiriblər.
