Xəbərlər
YAP ölkəmizə mühüm nailiyyətlər qazandırıb
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Pirallahı rayonu, Pirallahı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə məhəlli görüşləri keçirilib.
Bələdiyyə üzvlüyünə namizədlər Heydər Vəliyev və Günay Ömərova çıxışlarında ötən müddət ərzində yerli özünüidarəetmə orqanlarının fəaliyyətindən, həyata keçirilən layihələrdən bəhs edərək, partiyanın seçki proqramı barədə məlumat veriblər. Qeyd olunub ki, Azərbaycanın və regionun ən güclü siyasi partiyası olan YAP indiyədək iştirak etdiyi bütün seçkilərdə qələbə qazanaraq ölkəmizin inkişafına mühüm töhfələr verib.
Görüşlərdə partiyanın seçki proqramı seçicilərə təqdim edilib.
Seçicilər bələdiyyə seçkilərində YAP-ın namizədlərinə səs verəcəklərini bildiriblər.
