Xəbərlər
Goranboyda şəhid ailəsi ziyarət edilib
Yeni Azərbaycan Partiyası (YAP) Goranboy rayon təşkilatının sədri Samir Qocayev və Milli Məclisin deputatı Bədəl Bədəlov rayonun Yolqulular kəndindən olan şəhid Qəhrəman Qürbət oğlu Məmmədovun ailəsini ziyarət ediblər.
Görüş zamanı adları tarixə qızıl hərflərlə yazılmış şəhidlərimizin daim hörmət və ehtiramla yad edildiyi, onların gələcək nəsillərə örnək olduğu bildirilib. Vətən müharibəsində qazanılan tarixi Qələbənin məhz şəhidlərin qanı-canı bahasına əldə edildiyi vurğulanıb. Həmçinin, şəhid ailələrinin həmişə dövlətimizin diqqət və qayğısı ilə əhatə olunacağı diqqətə çatdırılıb.
Daha sonra rayon təşkilatının sədri Samir Qocayev və millət vəkili Bədəl Bədəlov Goranboy rayonunun Xoylu kəndindən olan şəhid Elgün Fuad oğlu Xıdırovun anası Xumar Kazımovanın yas mərasimində iştirak ediblər.
