Xəbərlər
Qaradağda gənc fəallarla görüş keçirilib
Noyabrın 29-da Yeni Azərbaycan Partiyası (YAP) Qaradağ rayon təşkilatında gənc fəallarla növbəti görüş keçirilib.
Görüşdə çıxış edən YAP Qaradağ rayon təşkilatının sədri Qafar Əliyev BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) uğurla başa çatmasından danışıb. Qeyd olunub ki, Bakıda təşkil olunan beynəlxalq tədbirlə Azərbaycan qlobal liderliyinin və mükəmməl təşkilatçılığının parlaq nümunəsini nümayiş etdirdi.
Diqqəti gənclərin COP29-da fəal iştirakına yönəldən YAP Qaradağ rayon təşkilatının sədri bu gün ölkəmizdə gənclərə bütün sahələrdə böyük etimad göstərildiyini və onların hərtərəfli inkişafı üçün geniş imkanların mövcud olduğunu deyib.
Daha sonra cari ildə Azərbaycanda keçirilən prezident və parlament seçkilərini xatırladan Qafar Əliyev qarşıdan gələn bələdiyyə seçkiləri ilə əlaqədar rayon təşkilatında aparılan hazırlıq işləri barədə ətraflı məlumat verib.
Tədbirdə digər çıxış edənlər prezident seçkilərində xalqın mütləq əksəriyyətinin səsini qazanan cənab İlham Əliyevin qələbəsinin gələcəyə daha böyük inamla baxmağa əsas verdiyini, parlament seçkiləri kimi bələdiyyə seçkilərinin də yüksək ruh yüksəkliyi, demokratik şəkildə keçiriləcəyinə əminliklərini ifadə ediblər.
Diskussiya şəraitində davam edən görüşdə gəncləri maraqlandıran suallar cavablandırılıb, onların təklif və ideyaları ətrafında fikir mübadiləsi aparılıb.
