Xəbərlər
Ağstafa rayonunda YAP-ın yaranmasının 32 illiyi ilə bağlı ağacəkmə aksiyası keçirilib
Yeni Azərbaycan Partiyası (YAP) Ağstafa rayon təşkilatı partiyanın təsis edilməsinin 32-ci ildönümünə həsr olunmuş ağacəkmə aksiyası keçirib.
Aksiyada YAP Ağstafa rayon təşkilatının sədri Etibar Hacıyev, partiya fəalları və rayon ictimaiyyətinin nümayəndələri iştirak ediblər.
YAP Ağstafa rayon təşkilatının sədri Etibar Hacıyev bildirib ki, Yeni Azərbaycan Partiyasının yaradıcısı, müstəqil Azərbaycan dövlətinin qurucusu, Ulu Öndər Heydər Əliyev ölkəmizə rəhbərlik etdiyi bütün dövrlərdə ətraf mühitin mühafizəsinə, yaşıllıqların və parkların salınmasına, ekoloji vəziyyətin yaxşılaşdırılmasına xüsusi diqqət yetirib. Qeyd olunub ki, hazırda bu siyasət Prezident, Yeni Azərbaycan Partiyasının Sədri İlham Əliyev tərəfindən uğurla davam etdirilir, partiya fəalları da bu prosesə layiqli töhfələr verirlər.
Aksiya çərçivəsində 110 ədəd müxtəlif növ ağac əkilib. Eyni zamanda, ağacların əkildiyi ərazilərdə təmizlik işləri aparılıb, aqrotexniki qulluq göstərilib.
