Xəbərlər
Nəsimi rayonunda növbəti ağacəkmə aksiyası keçirilib
Ölkəmizin bütün bölgələrində ətraf mühitin mühafizəsinə, yaşıllıqların və parkların salınmasına, ekoloji vəziyyətin yaxşılaşdırılmasına xüsusi diqqət yetirilir.
Bu tədbirlərin davamı olaraq Yeni Azərbaycan Partiyası Nəsimi rayon təşkilatının, Nəsimi Rayon İcra Hakimiyyətinin və Ekologiya və Təbii Sərvətlər Nazirliyinin yerli ərazi idarəsinin birgə təşkilatçılığı ilə Nəsimi rayonunda növbəti ağacəkmə aksiyası keçirilib.
Aksiya zamanı 500-dən artıq müxtəlif növ həmişəyaşıl ağaclar, 1000-dən artıq müxtəlif növ gül kolları əkilib.
Bu yaşıllıq sahələri gələcək nəsillər üçün daha rahat, sağlam oksigenlə yaşaya biləcəkləri bir məkana çevrilməsinə böyük bir şərait yaradacaq. Gələcəkdə bu cür aksiyaların davam etdirilməsi nəzərdə tutulub.
