Xəbərlər
Müstəqillik Günü Göygöldə də qeyd olunub
Yeni Azərbaycan Partiyası (YAP) Göygöl rayon təşkilatı, Göygöl Rayon İcra Hakimiyyəti və Göygöl Gənclər Evinin birgə təşkilatçılığı 28 May - Müstəqillik Günü münasibətilə dəyirmi masa keçirilib.
Əvvəlcə Ulu Öndər Heydər Əliyevin, Azərbaycan Xalq Cümhuriyyətinin qurucularının və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
YAP Göygöl rayon təşkilatının sədri Vüqar İsayev, Göygöl Rayon İcra Hakimiyyəti başçısının müavini Kəmalə İbrahimova, Göygöl Gənclər Evinin metodisti Gülmira Əbdülkərimova və digərləri çıxış edərək Cümhuriyyət dövrünə nəzər salıb, bu mühüm tarixi və ictimai-siyasi hadisənin milli yaddaşda yeri və rolundan bəhs ediblər. Qeyd olunub ki, müstəqil və Azərbaycan dövlətinin yenidən möhkəm təməllər üzərində qurulmasında, dünyada tanıdılmasında Ümummilli Lider Heydər Əliyevin tarixi xidmətləri əvəzsizdir.
Tədbirin sonunda Azərbaycanın müstəqillik tarixindən bəhs edən videoçarx nümayiş olunub.
