Xəbərlər
“Heydər Əliyev uşaqların gözü ilə” adlı məktəblilərarası rəsm müsabiqəsi keçirilib
Göygöl rayon İcra Hakimiyyəti, Yeni Azərbaycan Partiyası (YAP) Göygöl rayon təşkilatı, Göygöl rayon Təhsil sektoru, Gənclər Evi SXM və Göygöl Gənclər İdman sektorunun birgə təşkilatçılığı ilə Ümummilli Lider Heydər Əliyevin anadan olmasının 101-ci ildönümü ilə əlaqədar “Heydər Əliyev uşaqların gözü ilə” adlı məktəblilərarası rəsm müsabiqəsi keçirilib.
Əvvəlcə Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
YAP Göygöl Rayon təşkilatının sədri Vüqar İsayev Ulu Öndər Heydər Əliyevin həyat və fəaliyyətindən, dövlətimiz və xalqımız qarşısındakı misilsiz xidmətlərindən danışıb.
Rayonun 27 ümümtəhsil məktəbinin şagirdlərinin iştirak etdiyi müsabiqənin qalibləri fəxri fərmanlar və qiymətli hədiyyələrlə təltif olunacaq.
