Xəbərlər
Xalqımıza böyük qürur bəxş edən Lider
Beyləqanlı olan seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 30-da Beyləqan şəhəri RTS qəsəbəsində və rayonun Əlinəzərli, Orta Əlinəzərli kəndlərində yaşayan seçicilərlə görüş keçirilib.
Görüşlərdə YAP Beyləqan rayon təşkilatının sədr müavini Niyaməddin Əsgərov, təşviqat qrupunun üzvləri Azim Kərimov, Fədayət Rüstəmov, İlhamə İsmayılova, Sənan Kərimov, Elvin Məmmədov, şəhid atası İbrahim Nəsirov, qazilər Əlizadə Nəsirov, Elxan Bayramov və başqaları çıxış ediblər.
Natiqlər fevralın 7-də keçiriləcək prezident seçkilərində fəal iştirak etmək və qalib xalqın qalib Lideri olan Yeni Azərbaycan Partiyasının namizədi cənab İlham Əliyevə səs vermək üçün çağırış ediblər.
Seçicilər isə fevralın 7-də qalib Lider, xalqımıza Zəfəri bəxş edən Müzəffər Ali Baş Komandan cənab İlham Əliyevə səs verəcəklərini qeyd ediblər.
