Xəbərlər
Yeni zəfərlərə doğru
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 29-da Tərtər rayonunun Qazyan, Yuxarı Qapanlı, Qaynaq, Düyərli və Yuxarı Sarıcalı kəndindən olan seçicilər ilə görüş keçirilib.
Əvvəlcə Dövlət Himni səsləndirilib, Ulu Öndər Heydər Əliyevin və Vətən uğrunda canlarından keçən qəhrəman oğulların xatirəsi bir dəqiqəlik sükutla yad edilib.
Görüşlərdə YAP Tərtər rayon təşkilatının sədri Eldar Əsədov, təşviqat qrupunun üzvləri Zöhrab Paşayev, Şəmsəddin Əliyev, Şölə Manafova, Pərvanə Xuduyeva və Zəfər Nəsirov çıxış ediblər.
Çıxışlarda qeyd olunub ki, bizim müstəqil, suveren, güclü və beynəlxalq münasibətlər sistemində layiqli yer tutan dövlətimiz var. Xalq İlham Əliyevə inanır, onun daha xoşbəxt gələcək vəd edən daxili və xarici siyasətini dəstəkləyir.
Natiqlər seçiciləri 7 fevral prezident seçkilərində fəal iştirak etməyə və qalib xalqın qalib Lideri olan Yeni Azərbaycan Partiyasının namizədi cənab İlham Əliyevə səs verməyə çağırıblar.
Çıxış edən seçicilər də xalqımıza Zəfər sevinci yaşadan cənab İlham Əliyevə səs verəcəklərini vurğulayıblar.
Sonda Yeni Azərbaycan Partiyasının Himni səsləndirilib.
