Xəbərlər
Cəmiyyətin aparıcı qüvvəsi
Şəhla Abdullayeva
YAP Ucar rayon təşkilatının sədri
Nəinki ölkəmizin, Cənubi Qafqazın aparıcı siyasi təşkilatı olan Yeni Azərbaycan Partiyasının yaradılmasının 31 ili tamam oldu. Hər bir əlamətdar tarix keçilən yolun təhlilini bir zərurət kimi qarşıya qoyur. Ulu Öndər Heydər Əliyevin yaratdığı partiya ötən illər ərzində ölkəmizdə siyasi sabitliyin və davamlı inkişafın təminatçısı kimi çıxış etmişdir. Qısa müddət ərzində ümumxalq partiyasına çevrilmiş Yeni Azərbaycan Partiyası yarandıqdan bu günə qədər çox böyük, şərəfli və uğurlu yol keçib. YAP qısa zamanda böyük inkişaf yolu keçərək Ümummilli Liderin “YAP dünənin, bu günün və gələcəyin partiyasıdır” çağırışını təsdiqlədi.
31 il zaman baxımımdan o qədər də böyük görünməsə də uğurlarımızın miqyasının genişliyi baxımından zəngin dövrdür. Əbəs yerə deyilmir ki, uğurlu başlanğıc növbəti nailiyyətlərin əsasıdır. Ölkəmizdə gedən bütün proselərin mərkəzində dayanan YAP hər bir sahədə inkişafa dəstək olmağa səy göstərir. Ölkədə keçirilən seçki poseslərinə daim yeni şüarlarla qatılan Yeni Azərbaycan Partiyası gördüyü işlər fonunda qarşıdakı dövr üçün möhtəşəm hədəfləri açıqlayaraq seçkidən seçkiyə onları tam şəkildə həyata keçirməyə səy göstərir. Bu baxımdan tarixi Zəfərimizin reallıqları Yeni Azərbaycan Partiyasının da qarşısına mühüm vəzifələr qoyub. Partiya yeni tərkibini formalaşdırmaqla qəbul etdiyi yeni qərarlara və təsdiqlənən yeni Nizamnaməyə uyğun olaraq bu vəzifələrin uğurlu icrası istiqamətində fəaliyyətini daha da təkmilləşdirir.
31 illik yol qət edən Yeni Azərbaycan Partiyasının ən böyük uğurlarından biri xalqın sevgisini və inamını qazanmasıdır. Bu sevgini şərtləndirən əsas amillər isə partiyanın tutduğu yola sadiqliyi, sözlə əməl birliyi, dövlətə və xalqa xidməti fəaliyyətinin önündə saxlayaraq daim irəliyə doğru addımlamasıdır. Tarixin sınaqlarından şərəflə çıxan, 31 ili zəngin uğurları ilə tariximizə yazan, bu gün nəinki ölkəmizin, Cənubi Qafqazın aparıcı siyasi təşkilatına çevrilən Yeni Azərbaycan Partiyası xalqın partiyasıdır.
Yeni Azərbaycan Partiyasının hər bir üzvü bu əlamətdar tarixi böyük sevinc hissi ilə qeyd edir. Hədəflərə zamanında nail olmaq, qarşıya qoyulan vəzifələrin uğurlu icrasını təmin etmək üçün atılan davamlı addımlar və müsbət nəticələr gələcəyə daha böyük inamla baxmağa əsas verir. Müstəqilliyimizin xilalaskarı kimi adını tarixə qızıl hərflərlə yazan Ulu Öndər Heydər Əliyevin ideyalarının, Azərbaycanı qalib ölkə kimi tanıdan qalib Prezidentimiz İlham Əliyevin həyata keçirdiyi siyasətin təbliği partiyanın hər bir üzvünün əsas vəzifələrindəndir. Yeni Azərbaycan Partiyası postmünaqişə dövrünün reallıqlarını özündə əks etdirən yeni Proqramınıdan irəli gələn vəzifələri yüksək səviyyədə yerinə yetirərək həm ölkəmizin, həm də partiyanın qarşısında açılan yeni imkanlara yeni əlavələr edəcək. Ümumiləşdirilmiş şəkildə qeyd etsək, Ulu Öndər Heydər Əliyev “91-lər”in müraciətinə cavabında Azərbaycanın bugününü və gələcəyini necə görmək istəyirdisə, Prezident İlham Əliyev son 20 ildə həmin istəyi tamamilə reallığa çevirdi. Qalibiyyət rəmzi olan Azərbaycan Bayrağı işğaldan azad edilmiş ərazilərimizdə ucaldıldı. Müasir müstəqil və qalib Azərbaycan hər birimizin qürur mənbəyidir.
Partiyanın yeni Proqramı 5 fəsildən ibarətdir. Proqramda Yeni Azərbaycan Partiyasının siyasi dəyərlər və prinsiplər sistemində 10 strateji istiqaməti müəyyən olunub: Heydər Əliyev yolu; müstəqillik; Azərbaycançılıq; dövlətçilik; qanunun aliliyi; varislik və təkamül; konstruktiv əməkdaşlıq və dialoq; sosial ədalət və insan amili; multikultural cəmiyyət və demokratik ənənələrin inkişafı. Yeni proqramın birinci fəslində qeyd edilir ki, YAP Azərbaycan Respublikasının qanunvericiliyi çərçivəsində, özünün Nizamnaməsi və Proqramı əsasında fəaliyyətə başladı. YAP müxalifət partiyası kimi yaransa da, onun hakimiyyətə münasibətdə tutduğu mövqe konstruktiv xarakter daşıyırdı. Yeni Proqramda partiyanın 11 strateji hədəfi müəyyənləşdirilib. Hər bir hədəf gələcək barədə aydın təsəvvür yaradır. Ümumilikdə partiyanın dəyişməz prinsipi olan “Güclü dövlət, yüksk rifah” bu hədəfə yüksək səviyyədə nail olmaq üçün yeniləşməni, təkmilləşməni bir tələb kimi qarşıya qoyur.