Xəbərlər
Şəhidlərin məzarları ziyarət olunub
44 günlük Vətən müharibəsində qəhrəmancasına döyüşərək şəhidlik zirvəsinə ucalan Kərimov Əhməd Vaqif oğlunun, Fərzullazadə Mehdi Zaman oğlunun, Səlimov Şiralı Vüqar oğlunun, Vətən Müharibəsi Qəhrəmanı Noçuyev Surxay Əbdül oğlunun, Eissavi Muhamməd Mazen oğlunun şəhadətinin ikinci ildönümü münasibəti ilə xatirələri anılıb.
Yeni Azərbaycan Partiyası (YAP) Suraxanı rayon təşkilatının sədri Vüqar Seyidov Suraxanı Rayon İcra Hakimiyyətinin başçısı Əziz Əzizov, Milli Məclisin deputatı Etibar Əliyev, RİH başçısının müavinləri və şöbə müdirləri, ictimaiyyət nümayəndələri, şəhid ailələri Vətənin qəhrəman övladlarının məzarlarını ziyarət edib, məzarları önünə gül dəstələri düzüb, ruhlarına dualar oxuyublar.
Tədbir iştirakçıları, həmçinin şəhid ailələrinə baş çəkib, onların qayğı və problemləri ilə maraqlanıblar.
