Xəbərlər
Astarada şəhidlərin xatirəsi yad olunub
44 günlük Haqq savaşının qəhraman şəhidlərinin ikinci ildönümü münasibəti ilə Astara şəhərində Şəhid Rəhimov Nurlan Əlövsət oğlunun, rayonun Ərçivan qəsəbəsində ən gənc Xüsusi Təyinatlı əsgər "Bayraq ordenli" Bağırzadə Sadiq Şahin oğlu, Artupa kəndində Xəlilov Nadir Xandadaş oğlu və Maşxan kəndindən olan Əliyev Ramin Muxtar oğlunun müqəddəs məzarları ziyarət olunub, ruhlarına duallar oxunub, ailələrinin qaygıları ilə maraqlanılıb.
Mərasimdə YAP Astara rayon təşkilatının sədri Həbib Cəfərov ölkəmizdə şəhid ailələrinə olan diqqət və qayğıdan danışıb, Prezident İlham Əliyevin və Birinci vitse-prezident Mehriban xanım Əliyevanın bu kateqoriyadan olan ailələrlə mütəmadi maraqlandığını və xüsusi diqqətdə saxladığını qeyd edib.
Şəhid ailələri Prezident ilham Əliyevə və birinci xanım Mehriban Əliyevaya göstərdikləri diqqət və qayğıya görə öz təşəkkürlərini bildiriblər.
