Xəbərlər
YAP Quba rayon təşkilatı hesabat-seçki yığıncaqlarını davam etdirir
Yeni Azərbaycan Partiyası Quba rayon təşkilatı Dövlət Əmək Müfəttişliyi, Təhsil şöbəsi, Soyqırım Memorial Kompleksi, Xaçmaz Regional Mədəniyyət idarəsinin Quba rayonu üzrə nümayəndəliyi ərazi partiya təşkilatında hesabat-seçki yığıncaqları keçirilib.
Əvvəlcə ulu öndər Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.
Sonra ərazi partiya təşkilatlarının hesabat dövrü ərzindəki fəaliyyətləri barədə hesabat məruzələri dinlənilib. Məruzə ətrafında çıxış edənlər ərazi partiya təşkilatlarının hesabat dövrü ərzindəki fəaliyyətlərini qənaətbəxş qiymətləndiriblər.
Yığıncaqlarda təşkilati məsələlərə də baxılıb, ərazi partiya təşkilatlarının sədr və sədr müavinləri seçilib.
YAP Quba rayon təşkilatının sədri Fidan Hüseynova yeni seçilən sədri və sədr müavinini təbrik edərək işlərində uğurlar arzulayıb, partiya üzvlərini partiyanın fəaliyyətində daha da yaxından iştirak etməyə çağırıb.
