Xəbərlər
YAP Xocavənd rayon təşkilatının nümayəndələri şəhid Ceyhun Nüsrətlinin ailəsini ziyarət ediblər
Yeni Azərbaycan Partiyası Xocavənd rayon təşkilatının nümayəndələri Vətən müharibəsində qəhrəmanlıqla döyüşərək şəhid olmuş Ceyhun Nüsrətli Aqil oğlunun ailəsini ziyarət ediblər.
Görüşdə YAP Xocavənd rayon təşkilatının fəal gəncləri iştirak ediblər. Ziyarət zamanı şəhidin əziz xatirəsi yad olunub, onun həyatı və keçdiyi döyüş yolu haqqında söhbət aparılıb.
Qeyd olunub ki, Nüsrətli Ceyhun Aqil oğlu 8 aprel 1995-ci ildə anadan olub. Nüsrətli Ceyhun 2019-cu ildə Azərbaycan Dövlət Pedaqoji Universitetinin kimya-biologiya fakültəsini bitirib. Daha sonra həqiqi hərbi xidmətə yollanıb. 29 sentyabr 2020-ci il tarixdə Ağdərə istiqamətində gedən ağır döyüşlərdə xüsusi şücaət göstərərək şəhid olub.
Ölümündən sonra Emil Əzizoğlu Sadıqzadə Azərbaycan Respublikası Prezidentinin müvafiq sərəncamları ilə "Vətən uğrunda", "Suqovuşanın azad olunmasına görə" və "Cəsur döyüşçü" medalları ilə təltif olunub.
