Xəbərlər
Paşinyanın qələbəsi Zəngəzur dəhlizinin açılmasını sürətləndirəcək
"Ermənistandakı seçkilərin nəticələrindən asılı olmayaraq, həm Üçtərəfli bəyanatın şərtlərinin yerinə yetirilməsi, həm də Zəngəzur dəhlizi ilə bağlı məsələni reallaşdıracaqdıq”.
Bunu açıqlamasında Milli Məclisin deputatı Naqif Həmzəyev deyib. O bildirib ki, Paşinyanın seçilməsi prosesləri müəyyən dərəcədə sürətləndirə bilər: "Çünki onlar, xüsusilə Paşinyan çox gözəl anlayır ki, Azərbaycanla güc dilində danışmaq olmaz və Rusiyanın qarşısında götürülən öhdəliyi yerinə yetirmək lazımdır. Əks təqdirdə, bu, Ermənistan üçün heç də yaxşı olmayan nəticələrə gətirib çıxara bilər. Düşünürəm ki, Paşinyan ən qısa müddətdə şərtləri reallaşdıracaq və Zəngəzur dəhlizinin açılması üçün Ermənistan öz öhdəliyini sürətli formada yerinə yetirməyə məcbur olacaq. Əks halda, sözügedən ölkəni iqtisadi tənəzzül gözləyir”.