Xəbərlər
YAP Binəqədi və Qaradağ rayon təşkilatlarının birgə təşkilatçılığı ilə “Neft strategiyasının növbəti inkişaf mərhələsi - “Abşeron” yatağının əhəmiyyəti, perspektivləri siyasi və iqtisadi hədəfləri” adlı videokonfrans formatında tədbir keçirilmişdir
YAP Binəqədi və Qaradağ rayon təşkilatlarının birgə təşkilatçılığı ilə “Neft strategiyasının növbəti inkişaf mərhələsi - “Abşeron” yatağının əhəmiyyəti, perspektivləri siyasi və iqtisadi hədəfləri” adlı videokonfrans formatında tədbir keçirilmişdir. Tədbirdə Milli Məclisin deputatı “Yeni Azərbaycan" qəzetinin baş redaktoru, siyasi elmlər doktoru, professor Hikmət Babaoğlu, Binəqədi Rayon İcra Hakimiyyətinin şöbə müdürləri, Binəqədi və Qaradağ rayonları ictimaiyyətinin nümayəndələri, rayon təşkilatının fəal üzvləri iştirak etmişlər.
Videokonfransı giriş sözü ilə açan Yeni Azərbaycan Partiyası Binəqədi rayon təşkilatının sədri Ramiz Göyüşov konfrans iştirakçılarını salamlayaraq rayon təşkilatlarıyla birgə tədbirlərin YAP İcra Katibliyinin tövsiyyəsinə uyğun olaraq həyata keçirildiyini və Qaradağ rayon təşkilatı ilə birgə tədbirin təsadüfi olmadığını - Qaradağın Azərbaycanın uğurlu neft strategiyasının böyük layihələrinin həyata keçirilməsində önəmli rayon olduğunu qeyd edərək Azərbaycanın Neft strategiyasının növbəti inkişaf mərhələsi - “Abşeron” yatağının əhəmiyyəti, perspektivləri siyasi və iqtisadi hədəfləri haqqında məlumat vermək üçün sözü Milli Məclisin deputatı “Yeni Azərbaycan" qəzetinin baş redaktoru, siyasi elmlər doktoru, professor Hikmət Babaoğluna verdi.
Millət vəkili Hikmət Babaoğlu ilk öncə bu mövzuda konfrans təşkil edildiyinə görə hər iki rayon təşkilatına təşəkkürünü bildirdi. Qeyd etdi ki, mürəkkəb tarixi mərhələdən keçdiyimiz hazırki dövrdə xalqlar sanki ötən dövr ərzində, müstəqilliyimizi qazandığımız dövrdən keçən mərhələdə nələr əldə etdikləri, bu prosesdə növbəti inkişaf üçün hansı perspektivləri yarada bildikləri haqqında öz-özünə hesabat verir. Xüsusilə vurğuladı ki, Azərbaycan Respublikasının prezidenti cənab İlham Əliyevin “Abseron” qaz yatağının istismarıyla bağlı tədbirdə yerli milli mətbuatımıza verdiyi müsahibəni bir sıra səciyyəvi xüsusiyyətlərinə görə tarixi müsahibə adlandırmaq olar.Həmçinin qeyd etdi ki, Azərbaycan prezidentinin təqdimatında biz neft və Azərbaycan tarixinin səlnaməsini dinləmiş olduq və onun dərin təhlilinin şahidi olduq. Təsüflə bildirdi ki, çıxarılan neft heçdə hər dövrdə Azərbaycanın maraqlarına deyil , xaricdən gələn missionerlərin, sərmayəçilərin maraqlarına xidmət edirdi. Yaniz 1994cü il “Əsrin müqaviləsi” imzalandıqdan sonra biz neftimizi milli rifahımızın lehinə istifadə edə bilmişik.
Daha sonra Dağlıq Qarabağ problemiylə bağlı olan məsələyə diqqət çəkərək “Mən həmişə xalqıma həqiqəti demişəm” fikirlərinin Azərbaycanın siyasi sistemində İlham Əliyevin liderliyini və prezidentliyini təyin edən sosial-siyasi düstur olduğunu vurğuladı.
Ərazi bütövlüyümüzün bərpa olunmasıyla bağlı verdiyi mesajda Azərbayanın regionda məsuliyyətli, regionun iqtisadi , siyasi, hərbi tarazlığını və regionun ümumi mənzərəsini təyin edən dövlət kimi davrandığını, Cənubi Qafqazda təyinedici dövlət kimi çıxış etdiyini vurğuladı. Bildirdi ki, bu prosesdə Ermənistan - Azərbaycan Dağlıq Qarabağ probleminin həlli zəruri şərtə çevrilir.
Daha sonra çıxış edən Yeni Azərbaycan Partiyası Binəqədi rayon təşkilatının sədri Ramiz Göyüşov Heydər Əliyev adına Bakı dərin özüllər zavodunda “Abşeron” yatağının Azərbaycanın neft-qaz sənayesində yeni mühüm hadisə olduğunu, dünyada pandemiyanın geniş yayıldığı və əksər ölkələrdə neft-qaz sənayesinə investisiyaların azaldıldığı bir dövrdə Azərbaycanın enerji sektorunda belə bir layihənin icrasına başlanması uğurlu enerji siyasətinin nümunəsidir. Qeyd etdi ki, bu onu göstərir ki, Azərbaycanda nəhəng investisiya layihələri dayanmadan uğurla həyata keçirilir, enerji sektorunda yeni axtarışlar və sərmayə planları əvvəlki tək davam etdirilir. Həmçinin neft sənayesində xüsusi yerə malik olan “Abşeron” yatağının ölkəmizin karbohidrogen ehtiyatlarında önəmli paya malik olduğunu, ehtiyatları 350-360 milyard kubmetr həcmində qiymətləndirilən bu yataq həm daxili tələbatın ödənilməsi, həm də ölkəmizin ixrac potensialının güclənməsinə mühüm töhfə verəcək.
Həmçinin “Əsrin müqaviləsi” nin imzalanmasının xalqımız tərəfindən əlamətdar hadisə kimi qeyd edilməsinə toxunan Ramiz Göyüşov bu halın təsadüfü olmadığını və əldə etdiyimiz bütün uğurların kökündə dayandığını qeyd etdi. 1994-cü ildə ölkədəki vətəndaş qarşıdurması, ictimai sabitliyin kövrək olduğu dövrdə dünyanın ən aparıcı şirkətlərinin marağını Ümumilli liderimiz Heydər Əliyev tərəfindən Azərbayana cəlb etməyin böyük siyasi iradə tələb etdiyini , “Əsrin kontraktı”nın imzalanmasından 26 il keçməsinə baxmayaraq, Azərbaycanın neft potensialına dünyada marağın azalmadığını əksinə daha da artdığını diqqətə çatdırdı. TANAP xətti ilə Türkiyəyə ötürülən qazın həcminin ildən-ilə artdığını və hazırda Türkiyə bazarında Azərbaycan qazının birinci yerdə olduğunu, iki ildən sonra “Qarabağ” yatağından ilk neft hasil olunacağını və “Abşeron” layihəsinin Azərbaycanın dünyada qaz ölkəzi kimi strateji mövqeyini daha da gücləndirəcəyinə diqqət çəkdi. İnfrastruktur layihələrinin təhlilinə verilən qiymətə görə dünyada qabaqcıl yerlərdə olduğumuzu, Davos Forumu avianəqliyyat, dəmir yolu nəqliyyatı sahələrində Azərbaycanı 11-12-ci yerdə, yol infrastrukturunun keyfiyyətinə görə dünyada 27-ci yerdə qərar tutduğumuzu, digər sosial infrastruktur layihələrimiz - müstəqillik dövründə 3700 məktəb, 700-dən çox xəstəxana tikilib və ən müasir avadanlıqla təchiz edildiyini diqqətə çatdırdı.
Sonda Qaradağ rayon təşkilatlatının sədri adından çıxış edən Ramiz Yusubov Milli Məclisin deputatı, YAP təşkilat şöbəsinin müdiri, Aydın Hüseynovun salamlarını çatdırdı.
