Xəbərlər
Komitə sədri: Azərbaycanlılar çalışmalıdırlar ki, yaşadıqları ölkədə cəmiyyətə daha çox inteqrasiya etsinlər
«Azərbaycanlılar çalışmalıdırlar ki, yaşadıqları ölkədə cəmiyyətə daha çox inteqrasiya etsinlər». Bu fikri Diasporla İş üzrə Dövlət Komitəsinin sədri Nazim İbrahimov deyib.
N.İbrahimov bildirib ki, Azərbaycan dövləti diasporun inkişafına maksimum dərəcədə dəstək verir. Onun sözlərinə görə, harada yaşamasından asılı olmayaraq hər bir azərbaycanlı öz vətəni üçün fəaliyyətini gücləndirməlidir.
«Bizim qarışımızda yeni vəzifələr dayanır. Azərbaycanlılar yaşadıqları ölkələrdə siyasi proseslərə təsir imkanına malik bir gücə çevrilməlidir. Hesab edirəm ki, soydaşlarımız bu vəzifənin üzərindən layiqincə gələcək»-deyə, Dövlət Komitəsinin sədri vurğulayıb.