Partiya xəbərləri
YAP Qobustan rayon təşkilatı “ 700 min ağac əkək “ kampaniyasına start verib
Yeni Azərbaycan Partiyası Qobustan rayon təşkilatı Qobustan Meşə Mühafizəsi və Bərpası Müəssisəsi ilə birlikdə partiyanın yaranmasının 25 illik yubileyi münasibətilə “700 min ağac əkək“ kampaniyası çərçivəsində Cəngi kənd ərazisində 0,5 ha sahədə 350 badam tingi əkilmişdir. Bu kampaniyada təbiətin və ekoloji mühitin mühafizəsi , biomüxtəlifliyin qorunması istiqamətində çox saylı tədbirlər və layihələr həyata keçirilir. Dövlət başçısı İlham Əliyevin diqqət ayırdığı sahələrdən biri kimi yaşıllıq sahələrinin genişləndirilməsi işinin Qobustan rayonunda da uğurla həyata keçirilir.
Ağacəkmə kampaniyasında YAP Qobustan rayon təşkilatının sədri Füzuli Gulaliyev, təşkilatın əməkdaşları, Yeni Azərbaycan Partiyasının fəalları, gənclər, Cəngi kənd tam orta məktəbinin müəllim və şagirdləri iştirak edirdi.
Qeyd edək ki, Qobustan rayonunda “700 min ağac əkək” kampaniyası üzrə tədbirlər planına uyğun olaraq davam etdiriləcək.
