Xəbərlər
Gənc alim və mütəxəssislər üçün beynəlxalq elmi konfrans keçiriləcək
Bakı şəhərində “Fundamental və tətbiqi elmlərin aktual problemlərinin həllində multidissiplinar yanaşmanın rolu” mövzusunda gənc alim və mütəxəssislərin I beynəlxalq elmi konfransı keçiriləcək. AMEA-nın mətbuat xidmətindən verilən məlumata görə, konfrans 15-16 oktyabr tarixlərdə təşkil olunacaq.
Azərbaycan Milli Elmlər Akademiyası və Azərbaycan Dövlət Neft Şirkətinin birgə təşəbbüsü, AMEA Gənc Alim və Mütəxəssislər Şurasının təşkilatçılığı ilə baş tutacaq tədbirdə dünyanın 50-dən çox ölkəsindən gənc alimin iştirakı gözlənilir.