Xəbərlər
Rauf Əliyev: Ölkəmizdə turizmin daha da inkişafı üçün geniş potensial var

«Bu gün Azərbaycanda geniş turizm infrastrukturu mövcuddur. Bakı ilə yanaşı, respublikamızın regionlarında da nəhəng turizm obyektləri fəaliyyət göstərir». Bu fikirləri Milli Məclisin Əmək və sosial siyasət komitəsinin sədr müavini Rauf Əliyev deyib.
R.Əliyev bildirib ki, mövcud turizm obyektləri müasir standartlara cavab verir. Onun sözlərinə görə, hazırda ilin bütün fəsillərində yerli və xarici turistlərə istirafhət üçün bütün imkanlar yaradılıb.
«Hazırda ölkəmizdə 150-dən çox turizm şirkəti və 100-dən çox mehmanxana kompleksi fəaliyyət göstərir. Bakıda və bölgələrdə yerləşən bu obyektlər ilin bütün fəsillərində xaricdən gələn turistlərlərin məkanına çevrilib. Bu sahə indi də inkişaf etməkdədir. Çünki ölkəmizdə turizmin daha da inkişafı üçün geniş potensial var. «Turizm haqqında» yeni qanun layihəsi hazırlanır ki, bu sənəd də turizmin inkişafına ciddi təkan verəcək»- deyə, R.Əliyev vurğulayıb.