YENİ AZƏRBAYCAN PARTİYASI

2025-ci il yanvarın 29-na təyin edilmiş bələdiyyə seçkiləri ilə əlaqədar Yeni Azərbaycan Partiyası İdarə Heyətinin qərarı ilə təsdiq edilmiş Tədbirlər Planına əsasən 19 nəfərdən ibarət Mərkəzi Seçki Qərargahı və 1436 nəfərin təmsil olunduğu yerli seçki qərargahları yaradılmışdır. 118 seçki dairəsi üzrə 685 bələdiyyəyə 8071 namizəd irəli sürülmüş, onlardan 3 nəfəri namizədliyini geri götürdüyündən 8068 nəfərin namizədliyi təsdiq edilmişdir. 1643 nəfərin təmsil olunduğu yerli təşviqat qrupları yaradılmış, təşviqat kampaniyası çərçivəsində 542 tədbir, yerlərdə “qapı-qapı” seçki texnologiyasından istifadə edərək fərdi və məhəllə görüşləri keçirilmişdir. Səsvermənin nəticələrinə əsasən, partiyanın 8068 namizədindən 5855 nəfəri bələdiyyə üzvü seçilmişdir.