Xəbərlər
Azərbaycan, Türkiyə və Gürcüstanın müdafiə nazirləri birgə təlimlərin keçirilməsi məsələsini müzakirə ediblər
Brüsseldə Azərbaycan, Türkiyə və Gürcüstanın müdafiə nazirlərinin üçtərəfli görüşü keçirilib.
Gürcüstanın Müdafiə Nazirliyindən Trend-ə verilən məlumata görə, İrakli Alasaniya, general-polkovnik Zakir Həsənov və İsmət Yılmaz müdafiə sahəsində üçtərəfli əməkdaşlığın inkişaf perspektivlərini, eləcə də regionda strateji enerji nəqliyyat infrastrukturunun mühafizəsi üzrə birgə təlimlərin keçirilməsi məsələsini müzakirə ediblər.
Nazirlər üçtərəfli əməkdaşlığın dərinləşdirilməsinin Azərbaycan, Türkiyə və Gürcüstanın təhlkükəsizliyinin təmin olunmasına yönəldiləcəyini bildiriblər.
Görüş başa çatdıqdan sonra İrakli Alasaniya bildirib: "Gürcüstan, Türkiyə və Azərbaycan arasında ilk üçtərəfli görüş baş tutdu. Bir il əvvəl üçtərəfli hərbi əməkdaşlıq çərçivəsində bizdə olan təşəbbüslərin həyata keçirilməsinə başlanıb".