Xəbərlər
Baş nazirin müavini, Yeni Azərbaycan Partiyasının Sədr müavini-icra katibi Əli Əhmədov rusiyalı jurnalistləri qəbul edib
Baş nazirin müavini, Yeni Azərbaycan Partiyasının Sədr müavini-icra katibi Əli Əhmədov parlament seçkiləri ərəfəsində ölkəmizə gəlmiş Rusiyanın aparıcı KİV nümayəndələri ilə görüşdü.
Qonaqları Yeni Azərbaycan Partiyasının qərargahında salamlamaqdan məmnunluq duyduğunu bildirən Ə.Əhmədov ölkəmizin parlament seçkiləri ərəfəsində olduğunu qeyd etdi. Bildirdi ki, ölkəmizdə demokratik seçki mühiti mövcuddur, xeyli sayda siyasi partiyalar prosesə qatılıb ki, bunlardan biri ölkənin ictimai-siyasi həyatında aparıcı rol oynayan Yeni Azərbaycan Partiyasıdır.
Ə.Əhmədov qonaqlara Yeni Azərbaycan Partiyasının yaranma tarixindən, keçdiyi inkişaf yolundan geniş bəhs etdi. Bildirdi ki, ulu öndər Heydər Əliyevin yaradıcısı olan Yeni Azərbaycan Partiyası son 12 ildə Prezident İlham Əliyevin rəhbərliyi altında inkişaf edir, sıralarını kəmiyyət və keyfiyyət baxımından zənginləşdirir. Hazırda partiyanın 670 minə yaxın üzvünün olduğunu diqqətə çatdıran Ə.Əhmədov bu statistikanı Yeni Azərbaycan Partiyasının bu gününə və gələcəyinə inamın göstəricisi kimi diqqətə çatırdı.
Ə.Əhmədov Yeni Azərbaycan Partiyasının 1 noyabr parlament seçkilərinə böyük qələbə əzmi ilə qatıldığını bildirərək, bu inamı şərtləndirən əsasları qeyd etdi. . Bildirdi ki, partiyanın Sədri, ölkə Prezidenti İlham Əliyevin uğurlu siyasəti nəticəsində Azərbaycanın qazandığı uğurlar partiyanın hər bir namizədinə təbliğat-təşviqat mərhələsini uğurla aparmağa, ən əsası Yeni Azərbaycan Partiyasının seçkilərdə qələbəsinə böyük əsas yaradır.
Ə.Əhmədov rusiyalı jurnalistləri maraqlandıran sualları cavablandırdı.
YAP İcra katibinin müavini, Milli Məclisin deputatı Siyavuş Novruzov görüşdə iştirak etmişdir.
