Xəbərlər
Gürcüstanın Baş nazirinin müavini ulu öndər Heydər Əliyevin məzarını və Şəhidlər xiyabanını ziyarət edib
Azərbaycanda rəsmi səfərdə olan Gürcüstanın Baş nazirinin müavini və xarici işlər naziri Giorgi Kvirikaşvilinin rəhbərlik etdiyi nümayəndə heyəti oktyabrın 19-da Fəxri xiyabanda xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyub.
Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.
Sonra Şəhidlər xiyabanına gələn nümayəndə heyəti Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad edərək “Əbədi məşəl” abidəsinin önünə əklil qoyub.
Qonaqlar Bakının ən hündür nöqtəsindən şəhərin mənzərəsini seyr ediblər.
