Xəbərlər
Azərbaycan Prezidenti: İş yerlərinin yaradılması prosesi daim aparılmalıdır
Azərbaycan Prezidenti İlham Əliyev Nazirlər Kabinetinin 2015-ci ilin 9 ayının sosial-iqtisadi inkişafının yekunları və qarşıda duran vəzifələrə həsr olunmuş iclasında bu il 87 min yeni iş yerinin yaradıldığını, onlardan 67 mininin daimi iş yeri olduğunu bildirib. Dövlətimizin başçısı bunun gözəl göstərici olduğunu vurğulayıb, iş yerlərinin yaradılması prosesinin daim aparılmasının vacibliyini qeyd edib.
Prezident deyib: “Mən bunu dəfələrlə demişəm və biz iqtisadi inkişaf modelimizi buna uyğun şəkildə qurmalıyıq. Çünki Azərbaycanda iqtisadi inkişaf, sabitlik, xalqın rifahının artması nəticəsində çox müsbət demoqrafik vəziyyət yaranmışdır. Hər il yüz mindən çox insan doğulur və belə olan halda əlbəttə ki, gələcəkdə biz yeni iş yerlərinin yaradılması üçün əlavə tədbirlər görməliyik. Ona görə, bu sahədə də yeni inkişaf strategiyamız müəyyən edilməlidir. Əminəm ki, belə də olacaq”.