Xəbərlər
Avqust ayında Azərbaycandan Gürcüstana 29,6 min ton benzin və dizel yanacağı ixrac olunub
Cari ilin avqust ayında Azərbaycandan Gürcüstana 29,6 min ton benzin və dizel yanacağı ixrac olunub.
Bu barədə Gürcüstan Neft Məhsulları İxracatçıları İttifaqı məlumat yayıb. Məlumatda deyilir ki, bu, Gürcüstanın idxalatının 28,4 faizini təşkil edir.
Gürcüstanın neft məhsulları idxal etdiyi ölkələr sırasında Rumıniya 34,4 min tonla birinci yerdədir. Siyahıda sonrakı yerləri Bolqarıstan (14 min ton), Türkmənistan (12,9 min ton), Rusiya (9,9 min ton) və digər ölkələr tuturlar.