Xəbərlər
Rövnəq Abdullayev: 2016-cı ilin dövlət büdcəsində neftin baza qiyməti 50-55 dollardan götürülməlidir
2016-cı ilin dövlət büdcəsində neftin baza qiyməti 50-55 dollardan götürülməlidir.
Bu barədə jurnalistlərə müsahibəsində Azərbaycan Respublikası Dövlət Neft Şirkətinin (SOCAR) prezidenti Rövnəq Abdullayev məlumat verib.
SOCAR-ın prezidenti bildirib ki, dünya bazarındakı neft qiymətləri dövlət büdcəsinə daxil olan ödənişlərə də mənfi təsir göstərir. Əgər satılan neftin qiyməti iki dəfədən çox ucuzlaşıbsa, bu satışdan əldə olunan gəlirin də iki dəfəyədək azalmasına gətirib çıxarır. Bu, SOCAR-ın büdcəyə ödədiyi vəsaitin və gələnilki ödənişlərinin də aşağı düşməsinə səbəb olacaq. “Bu isə təbii prosesdir. Düşünürəm ki, gələn ilin dövlət büdcəsində neftin baza qiyməti 50-55 dollardan götürülməlidir", - deyə R.Abdullayev qeyd edib.