Xəbərlər
“Seçimimiz qalib Lider İlham Əliyevdir”
Cəlilabad rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində Cəlilabad rayonunun ilk dəfə səs verəcək seçicilərlə və Bayxanlı kəndinin seçiciləri ilə görüş keçirilib.
Əvvəlcə Ümummilli Lider Heydər Əliyevin və şəhidlərimizin əziz xatirələri bir dəqiqəlik sükutla yad edilib.
Görüşlərdə YAP Cəlilabad rayon təşkilatının sədri Mirsüleyman Mirxaslı, yerli təşviqat qrupunun üzvləri Ədalət Əsgərov, Eyvaz Məmmədov və Yeganə Rzayeva, seçicilərdən Nübar Qubadlı, Əliəkbər Nəsirli, Türkanə Məmmədzadə, Şamil Nuriyev, Cəbrayıl Səfərov, Vaqif Zaidov, Əlişirin Teymurov, Gülməmməd Ağaşov və başqaları çıxış ediblər.
Çıxışlarda qeyd olunub ki, Yeni Azərbaycan Partiyası bu seçkilərə “Qalib xalqın qalib Lideri!” şüarı ilə gedir. Natiqlər seçiciləri 7 fevral prezident seçkilərində fəal iştirak etməyə və qalib xalqın qalib Lideri olan Yeni Azərbaycan Partiyasının namizədi cənab İlham Əliyevə səs verməyə çağırıblar.
