Seçki-2024
“Göygöllülərin seçimi Müzəffər Ali Baş Komandan İlham Əliyevdir”
Göygöl rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 1-də Göygöl rayonunun Yeni Qızılca, Topalhəsənli və Şəhriyar kəndlərində seçicilər ilə görüşlər keçirilib.
Əvvəlcə Ümummilli Lider Heydər Əliyevin və ərazi bütövlüyü uğrunda həlak olmuş şəhidlərin əziz xatirəsi bir dəqiqəlik sükutla yad edilib.
Dövlət Himninin səsləndirilməsi ilə başlanan görüşlərdə YAP Göygöl rayon təşkilatının sədri Vüqar İsayev, təşviqat qrupunun üzvləri Azadxan Haqverdiyev, Ofelya Rəhimova və Yeganə İsgəndərova çıxış ediblər. Çıxışlarda ölkəmizdə gedən dinamik inkişafdan danışıblar. Natiqlər cənab İlham Əliyevin prezident seçkilərində ən real namizəd olduğunu bildiriblər. Xüsusi vurğulanıb ki, Göygöl seçiciləri hər zaman Prezidentin siyasətini dəstəkləyib və fevralın 7-də bir daha bu dəstəyi ifadə edəcəklər.
Görüşlər Yeni Azərbaycan Partiyasının Himninin səsləndirilməsi ilə başa çatıb.
Qeyd edək ki, Göygöl şəhərinin məhəllələrində seçicilərlə fərdi görüşlər də keçirilib.
