Xəbərlər
Qətiyyət, iradə, əzm
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 28-də partiyanın Astara rayon təşkilatında seçicilərlə görüş keçirilib.
Əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Görüşdə YAP Astara rayon təşkilatının sədri Həbib Cəfərov, partiyanın İdarə Heyətinin üzvü, Milli Məclisin deputatı Rəşad Mahmudov və təşviqat qrupunun üzvü Cahangir Əliyev çıxış ediblər.
Qeyd olunub ki, Yeni Azərbaycan Partiyası bu seçkilərə “Qalib xalqın qalib Lideri!” şüarı ilə gedir. Çıxışlarda Ümummilli Lider Heydər Əliyev tərəfindən əsası qoyulan və bu gün Prezident, Yeni Azərbaycan Partiyasının Sədri İlham Əliyev tərəfindən həyata keçirilən siyasətin uğurlarından geniş bəhs edilib. Vurğulanıb ki, bugünkü inkişaf Azərbaycan xalqının düzgün seçim etdiyini göstərib.
Tədbir Yeni Azərbaycan Partiyasının Himninin səsləndirilməsi ilə başa çatıb.
Qeyd edək ki, yanvarın 28-də Astara şəhəri H.Əliyev parkında və Giləkəran kəndində də seçicilərlə görüş keçirilib.
