Xəbərlər
Azərbaycan Silahlı Qüvvələrinə Yardım Fonduna 65 milyon manatdan çox vəsait yığılıb
Azərbaycan Respublikasının Silahlı Qüvvələrinə Yardım Fonduna cari il iyulun 1-dək 65.077.066,33 manat, 211.791,88 ABŞ dolları və 593,69 avro vəsait yığılıb.
Bu barədə Müdafiə Nazirliyinin mətbuat xidmətindən məlumat verilib.
Silahlı Qüvvələrə Yardım Fondu Azərbaycan Respublikası Prezidentinin 2002-ci il 17 avqust tarixli Fərmanı ilə yaradılıb.
Fond Azərbaycan Respublikası Silahlı Qüvvələrinin müasir tələblər səviyyəsində inkişafını təmin etmək, onun maddi-texniki bazasını möhkəmləndirmək və zəruri sosial tədbirləri maliyyələşdirmək məqsədilə yaradılıb. Bununla yanaşı, hərbi qulluqçuların sosial müdafiəsinin daha da gücləndirilməsini təmin etmək Fondun əsas vəzifələrində biridir.