Xəbərlər
Prezident İlham Əliyev SOCAR-a yeni vitse-prezidentlər təyin edib
Prezident İlham Əliyev Azərbaycan Respublikası Dövlət Neft Şirkətinə (SOCAR) vitse-prezidentlərin təyin edilməsi haqqında sərəncamlar imzalayıb.
Dövlət başçısının imzaladığı sərəncamlara əsasən, Arzu Sahib qızı Cavadova, İsmayıl Fikrət oğlu Zərgərli, Ziba Tacəddin qızı Mustafayeva, Babək Elbəniz oğlu Hüseynov, Əfqan Elçin oğlu İsayev, Anar Fərruh oğlu Məmmədov və Fuad Bəkir oğlu Musayev SOCAR-ın yeni vitse-prezidentləri təyin olunublar.
Prezident İlham Əliyevin digər sərəncamları ilə Yaşar Aydın oğlu Lətifov, Süleyman Mehrəli oğlu Qasımov, Daşqın Ələm oğlu İskəndərov, Bədəl Şamil oğlu Bədəlov və Xalik Rəfi oğlu Məmmədov Azərbaycan Respublikası Dövlət Neft Şirkətinin vitse-prezidenti vəzifələrindən azad ediliblər.