Xəbərlər
Şəhid ailələri daim diqqət mərkəzindədir
1 İyun - Uşaqların Beynəlxalq Müdafiəsi Günü münasibətilə Yeni Azərbaycan Partiyası (YAP) Ağstafa rayon təşkilatının sədri Etibar Hacıyev və təşkilatın əməkdaşları Yenigün kəndində Vətən müharibəsi şəhidi Quliyev Rusif Asim oğlunun ailəsini ziyarət ediblər.
YAP Ağstafa rayon təşkilatının sədri Etibar Hacıyev və təşkilatın əməkdaşları 1 İyun - Uşaqların Beynəlxalq Müdafiəsi Günü münasibətilə şəhidimizin övladını təbrik edərək ona ən xoş arzularını çatdırıblar. Daha sonra YAP Ağstafa rayon təşkilatı tərəfindən hədiyyələr balaca Təranəyə təqdim olunub.
Görüşdə şəhid ailəsinin qayğı və problemləri dinlənilib.
Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
