Xəbərlər
Birinci Qarabağ müharibəsi şəhidlərinin xatirəsi anılıb
Şəhidlər xiyabanında Birinci Qarabağ müharibəsi şəhidləri Kəlbəcər rayonundan olan tabor komandiri, baş leytenant Mahir Quliyevin və Zəngəzur mahalının Qafan rayonundan olan Ramazanov Firuddin Bəhram oğlunun anım günlərində xatirələri yad edilib.
YAP Kəlbəcər rayon təşkilatının sədri Həbib Misirov, Milli Məclisin deputatı Aqil Məmmədov çıxışlarında şəhidlərin döyüş yolunun gələcək nəsillər üçün nümunə olacağını, Vətən uğrunda canını fəda edən qəhrəmanların əbədiyyətədək xalqımızın yaddaşında yaşayacağını, onların xatirəsinin dövlətimiz tərəfindən daim uca tutulacağını qeyd ediblər.
Şəhid Mahir Quliyevin qardaşı, Əməkdar jurnalist Əlövsət Ağalarov, şəhid Firuddin Ramazanovun anası Bağdagül Ramazanova və digərləri Qarabağ Zəfəri ilə həm də Birinci Qarabağ müharibəsi şəhidlərinin qisasının alındığını deyiblər.
