Xəbərlər
Şəhidin xatirəsinə ehtiram
Yeni Azərbaycan Partiyası (YAP) Şuşa rayon təşkilatı 6 nömrəli ərazi partiya təşkilatının təşəbbüsülə Şuşa rayon Quşçular kənd tam orta məktəbində şəhid Zeynalov Qaryağdı Əşrəf oğlunun anım günü ilə əlaqədar olaraq tədbir keçirilib.
Tədbir ümummilli lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Tədbirdə çıxış edənlər Qaryağdı Zeynalovun şərəfli həyatı və döyüş yolu, torpağa, milli-mənəvi dəyərlərə bağlılığı, müqəddəs şəhidlik zirvəsinə ucalmasından bəhs ediblər. Həmçinin qeyd olunub ki, son 30 ildə olduğu kimi, Vətən müharibəsindən sonra da Azərbaycanın müstəqilliyi uğrunda canını fəda etmiş şəhidlərimizin ailələrinə və müharibə iştirakçılarına diqqət və qayğı daimidir. Prezident İlham Əliyevin və Birinci vitse-prezident Mehriban Əliyevanın müvafiq göstərişlərinə əsasən, dövlət qurumları bu qəbildən olan insanların problemləri ilə yaxından maraqlanır, onların həlli istiqamətində tədbirlər həyata keçirilir.
